උදව්වක් අවශ්‍ය වන්න ඇත...
ඒ බවක් මට නොදැනෙන්න ඇත.
ඔබට මගෙන් උදව්වක්
අවශ්‍ය වෙන්න ඇත
ඒත් ඔබ නොඉල්ලන්න ඇත.
ඔබට මාගෙන් උදව්වක්
අවශ්‍යදැයි අසන්නට
මට නොහැකි වන්න ඇත.
මාගෙන් උදව්වක්
අවශ්‍යදැයි මා අසන විට
ඔබට එය අවශ්‍ය වෙලාව
නොවන්න ඇත.ඔබට උදව් කරන්නට
මට සිත් වුවද
එය පිළිගන්න නුඹේ හිත
ඉඩ නොදෙන්න ඇත.
මා නුඹට උදව්වට කැමති වග
නුඹ නොසිතන්න ඇත.
මගේ උදව් පිළිගන්න
නුඹ නොකැමැති බවක්
මට හැඟෙන්න ඇත.
ඒ ගැන විමසන්නට
එනිසාම මසිත
මැලිවන්න ඇත.
ඒත්...
මාගෙන් උදව්වක් ඉල්ලීමට තරම්
නුඹ නිහතමානී වීනම්..
එය මා අතින්
නොපිරිහෙලා ඉටුවෙන බව
පමණක් කියනු හැක.
No comments:
Post a Comment